| Um skólann |
 |
 |
|
Sérstaða Vogaskóla Vogaskóli er almennur grunnskóli í Reykjavík og tilheyrir hverfi 2 í borginni. Skólinn tók til starfa í desember, árið 1958. Vogaskóli er einn af eldri skólum borgarinnar og á sér langa og merka sögu. Hann er í grónu hverfi nálægt náttúruperlum eins og Laugardal og Elliðaárdal. Vogaskóli er heildstæður grunnskóli frá 1. bekk og upp í 10. bekk. Nemendur við skólann eru um 330 og starfsmenn rúmlega 50. Undanfarin ár hefur skólinn unnið að því að efla nám við hæfi hvers nemanda meðal annars með auknum námstækifærum, nýjungum í kennsluháttum og fjölbreyttara námsmati. Samkennsla er milli tveggja árganga hjá nemendum í 1.-7.bekk í nokkrum greinum. Söguaðferðin er notuð á yngra stigi og morgunsöngur á Sal er tvisvar í viku. Kór er starfandi við skólann fyrir yngri nemendur. Allir árgangar eiga sér vinabekk og skipuleggja kennarar verkefni sem þeir vinna saman. Stefnumótun Stefna og framtíðarsýn Vogaskóla byggir á grunnskólalögum, aðalnámskrá og stefnu Reykjavíkurborgar. Gildi skólans og einkunnarorð eru valin út frá markmiðsgrein grunnskólalaganna en þar kemur fram hvert hlutverk grunnskóla er, en honum er ætlað í samvinnu við heimilin, að búa nemendur undir líf og starf í lýðræðisþjóðfélagi sem er í sífelldri þróun. Framtíðarsýnin er sú að öllum nemendum og starfsfólki Vogaskóla líði vel í skólanum ásamt því að nemendur nái hámarksárangri út frá námi við hæfi. Gildi Vogaskóla Einkunnarorð Vogaskóla eru: Virðing fyrir hverjum og einum þar sem hver einstaklingur er einstakur og á að njóta sín . Samvinna, starfið á að einkennast af samvinnu nemenda, foreldra og starfsfólki skólans. Ábyrgð, hver og einn þarf að læra að bera ábyrgð á námi sínu,vinnu og framkomu. Stefna Vogaskóla Að gagnkvæm virðing einkenni öll samskipti innan skólans. Að nemendum og starfsfólki líði vel í skólanum, í þeirri trú að góð líðan skapi góðan árangur. Að hver og einn fái nám við hæfi og áhersla verði á fjölbreytt námstækifæri. Að nemendur taki ábyrgð á eigin námi, hegðun og skólaumhverfi. Að þjálfa markvisst félagslega færni og samvinnu nemenda. Að jafnrétti og lýðræði ríki í skólanum. Að góð samvinna sé milli heimila og skóla. Eineltisáætlun Í Vogaskóla er unnið gegn einelti samkvæmt aðgerðaráætlun sem kennd er við Dan Olweus. Eineltisáætlun Olweusar er forvarnaráætlun sem hefur það að markmiði að koma í veg fyrir einelti og andfélagslega hegðun og skapa þannig skólabrag að einelti sé ekki liðið. Reglulega eru haldnir bekkjarfundir þar sem nemendur eru þjálfaðir í að tjá tilfinningar sínar og sjónarmið. Tilgangurinn með bekkjarfundum er að stuðla að samstöðu nemenda gegn einelti. Meðferð eineltismála í Vogaskóla: Tilkynning Upplýsingaöflun Aðgerðir Alvarleg viðtöl við gerendur Allir foreldrar/forráðamenn fá handbók þar sem farið er í aðgerðaráætlun Olweusar. Hægt er að nálgast hana hjá ritara skólans eða á heimasíðu skólans. |
| Síðast uppfærsla: þriðjudagur, 14 október 2008 22:26 |
