Vogaskóli

Skólaslit hjá nemendum í 10. bekk voru mánudagskvöldið 7. júní og skólaslit hjá nemendum í 1. – 9. bekk voru þriðjudaginn 8. júní.

Starfsfólk Vogaskóla óskar nemendum og fjölskyldum þeirra gleðilegs sumars með þökkum fyrir veturinn.

Minnum á mikilvægi þess að lesa í sumar.

Síðasta skóladaginn á þessu skólaári fóru 1. og 10. bekkur í gönguferð í Húsdýragarðinn en 6. 7. og 8. bekkur heimsóttu Háskóla Íslands.

Hér má sjá myndir úr vorferðinni í 5. bekk. Farið var í heimsókn á Árbæjarsafn með viðkomu í Elliðaárdalnum á heimleiðinni.

Vorferð 9. bekkja var á Akranes þar sem farið var í heimsókn í Skógræktina og á Langasand þar sem margir fóru í sjósund og létu kuldann lítið á sig fá.

2. GNG fór nýlega í heimsókn í Alþingishúsið.  Alþingisgarðurinn var líka skoðaður og styttan af Jóni Sigurðssyni á Austurvelli.  Börnin voru mjög áhugasöm og fengu hrós fyrir að vera dugleg að svara spurningum.  Einnig fengu þau orð fyrir að vera stillt og kurteis.  Skoðið endilega myndir úr ferðinni og frábærar teikningar barnanna af Alþingishúsinu og skjaldarmerkinu.